SAKANAKO MENDI LASTERKETAK

Sakanako Trail Estazioa, harrera gunea Uharte Arakilgo Itxesi parajean duela, eta Ziordia, Olazti, Altsasu, Urdiain, Etxarri Aranatz, Lakuntza eta Uharte Arakil udalerrietatik igarotzen diren trail running-a egiteko bost ibilbideek osatzen dute. Trail running praktikarako egokitutako gunea, gure ondare natural aberatsa ezagutzeko aukera ematen diguna, hala nola Aralar mendilerroa, Urbasa Andia Parke Naturala eta Sakanako ibarreko hondoko hariztiak.

Sakanako Trail Estazioa Euskal Herriko Trail Estazioaren parte da, Frantziako Station de Trail markaren barruan.

Bere bost ibilbideak (Olazti-Urbasa Trail, Hiru Mendi Zerrak, Trikutrail, Lakuntza-Aralar eta Beriaingo Kilometro Bertikala) aldatu egiten dira ezaugarrietan eta zailtasunean. Harrera eremua Itxesi gunean dago (Uharte Arakil). Bertan, honako zerbitzu hauek eskaintzen dira: autokarabanen gunea, igerilekuak udako denboraldian, futbol-zelaia, jatetxea, erretegiak dituen jolas-gunea, mahaiak eta «Herri kirolen parkea» haurrentzako.

Sakana Nafarroako iparmendebaldean kokatua dagoen eskualdea da, Gipuzkoa eta Arabarekin muga egiten du, eta hiru parke naturalek inguratzen dute.